I samsvar med bevaringsforskrifta § 21, skal følgjande materiale bevarast for alle oppgåver innan området “administrativ og politisk organisering”:

a. dokumentasjon som gjeld administrativ organisering, organisasjonskart og skildringar av ansvarsområde og oppgåver

b. dokumentasjon som gjeld politiske og administrative prosessar i samband med forvaltningsreform, endringar av kommunegrenser og fylkesgrenser og etablering av ny politisk styringsform

c. dokumentasjon som gjeld delegering av myndigheit til administrasjonssjef og andre nivå i kommune- og fylkesadministrasjonen

d. dokumentasjon som gjeld oppretting av, delegering av myndigheit til og val av formannskap, fylkesutval, kommuneråd (byråd), fylkesråd og andre politiske råd, utval, komitear og interkommunale samarbeid

e. dokumentasjon som gjeld delegering av vedtaksmakt frå kommunestyret eller fylkestinget til andre rettssubjekt

f. dokumentasjon som gjeld administrativ og politisk handsaming av saker som blir lagde fram for eller handsama i formannskap, fylkesutval, kommuneråd (byråd) eller fylkesråd

I samsvar med bevaringsforskrifta § 22, skal følgjande materiale bevarast for alle oppgåver innan området “Val og medråderett”:

a. dokumentasjon som gjeld retningsliner og oppgåver ved val, folkerøystingar og andre tiltak for medråderett

b. dokumentasjon om oppnemning av valstyre, valmanntal, organisering av førehandsrøysting og valoppgjer

c. dokumentasjon om folkerøystingar, innbyggjarinitiativ, folkemøte og høyringar i spørsmål som har noko å seie for innbyggjarane

I samsvar med bevaringsforskrifta § 23, skal følgjande materiale bevarast for alle oppgåver innan området “Føretak, selskap og samarbeidsordninger”:

a. dokumentasjon om oppretting og avvikling av føretak, selskap og interkommunale samarbeidsordningar

b. avtaler om arkivansvar og arkivorganisering når tenester blir lagde til føretak, selskap og interkommunale samarbeidsorgan som ikkje er omfatta av arkivlova

c. vedtekter, samarbeidsavtaler, selskapsavtaler og andre avtaler eller vedtak som dokumenterer overføringa av oppgåver og myndigheit frå kommunen eller fylkeskommunen til føretak, selskap eller interkommunalt samarbeidsorgan

d. dokumentasjon som gjeld kommunens eller fylkeskommunens kontroll med og revisjon av føretak, selskap og interkommunale samarbeidsordningar

I samsvar med bevaringsforskrifta § 24, skal følgjande materiale bevarast for alle oppgåver innan området “Sikkerhet og beredskap”

a. dokumentasjon som gjeld dei overordna, lovpålagde oppgåvene kommunen eller fylkeskommunen har i samband med samfunnstryggleik og beredskap på ulike fagområde

b. beredskapsplanar og risiko- og sårbarheitsanalysar for kommunen, dokumentasjon som gjeld deltaking i regionale og nasjonale beredskapsøvingar og annan dokumentasjon som gjeld kommunen si rolle i den nasjonale beredskapen og oppgåver etter sivilbeskyttelsesloven

c. risiko- og sårbarheitsanalysar for utbyggingsområde og annan dokumentasjon som viser korleis fylkeskommunen og kommunen tek hand om samfunnstryggleiken i kommunal og regional planlegging

d. dokumentasjon som gjeld etablering og utvikling av styringssystemet for tryggleik og beredskap i kommunen og fylkeskommunen

e. dokumentasjon som gjeld tryggleiksrapportering internt i kommunen eller fylkeskommunen og til regionale og nasjonale tilsynsmakter

I samsvar med bevaringsforskrifta § 25, skal følgjande materiale bevarast for alle oppgåver innan området “Kommuneadvokat og fylkesadvokat”:

a. register eller arkiv for presedenssaker

b. dokumentasjon som gjeld erstatningssaker på det offentlegrettslege området og saker om rettferdsvederlag

I samsvar med bevaringsforskrifta § 26, skal følgjande materiale bevarast for alle oppgåver innan området “Anskaffingar”:

a. anskaffingsstrategi

b. anskaffingsreglement

c. retningsliner og standardar

d. behovsanalyse

e. anskaffingsprotokollar

f. vedtekne tilbod